मोटरसाइकल ठोक्किँदा कंचनपुरमा एकको मृत्यु, तीनजना घाइते
<p>कैलाली। कंचनपुरको पुनर्वासमा मोटरसाइकल ठोक्किएर दुर्घटना हुँदा एकजनाको मृत्यु भएको छ। दुर्घटनामा तीनजना घाइते भएका छन्।</p>
<p>पुनर्वास नगरपालिका- ८ मा से. ४ प ६९६६ नम्बरको मोटरसाइकल र म. २ प ५२२ नम्बरको मोटरसाइकल ठोक्किँदा १६ वर्षीय दिनदयाल रानाको उपचारको क्रममा सेती प्रादेशिक अस्पताल धनगढीमा मृत्यु भएको प्रहरीले जनाएको छ।</p>
<p>दुर्घटनामा घाइते पुनर्वास नगरपालिका-९ बीचफाँटाका १८ बर्षिय धर्मेन्द्र सुनार गम्भीर घाईते भएका छन।</p>
<p>त्यसैगरी पुनर्वास नगरपालिका- ७ गाउँका अर्जुन राना र गोदाबरी नगरपालिका अत्तरिया कैलालीका अनिल लामिछाने सामान्य घाईते भएको ईलाका प्रहरी कार्यालय त्रिभुवनबस्तीका प्रहरी निरिक्षक वकिल बहादुर सिँहले जानकारी दिए।</p>
<p>घाईते तीनै जनाको सेती प्रादेशिक अस्पताल धनगढीमा उपचार भईरहेको छ।</p>
प्रतिक्रिया दिनुहोस्
.jpg)
