रोनाल्डिन्होलाई पाराग्वेको जेलमा राख्न अदालतको आदेश
<p>काठमाडौं। ब्राजिलका पूर्वफरवार्ड रोनाल्डिन्होलाई पाराग्वेकै जेलमा राख्‍न अदालतले आदेश दिएको छ।</p>
<p>इएसपिएनका अनुसार रोनान्डिन्होलाई उडानमा हुने जोखिमका कारण पाराग्वेमै राख्न आदेश गरेको हो।</p>
<p>नक्कली पासपोर्ट प्रयोग गरेको आरोपमा बार्सिलोनाका पूर्वफरवार्ड रोनाल्डिन्हो, उनका भाई र व्यपारी रोबर्टो एसिससहित तीन जनालाई २३ फागुनमा पाराग्वे प्रहरीले पक्राउ गरेको थियो।</p>
<p>रोनाल्डिन्हो र उनका भाईले रिहाइका लागि माग गरेका थिए।</p>
<p>तर, उनीहरूको माग सुनुवाई भएन। एसिसले आफुलाई मुटुको समस्या भएको बताएका थिए तर पर्याप्त प्रमाण नभएका कारण उनको पनि माग सुनुवाई भएन।</p>
<p>न्यायाधीश क्लारा रुइज डियाजले ‘पाराग्वे राज्यविपरितको गम्भिर अपराध’ भएको बताइन्।</p>
<p>उनले विमानस्थलबाट पून पक्राउ हुन सक्ने बताएकी छिन्।</p>
<p>पाराग्वेको कानूनअनुसार अनुसन्धानका लागि ६ महीना लाग्न सक्ने बताइएको छ।</p>
<p>तर, रोनाल्डिन्होका वकिलले अदालतको निर्णय अविश्सनीय भन्दै केही दिनमै त्यसविरुद्ध अपिल गर्ने बताएका छन्।</p>
<p>जुलाई २०१९ मा रोनाल्डिन्होको ब्राजिल र स्पेनको पासपोर्ट ट्याक्स नतिरेका कारण जफत गरिएको जनाइएको छ।</p>
प्रतिक्रिया दिनुहोस्
.jpg)
