क्रिकेटको ब्याट भाँचेको निहुँमा ५१ वर्षीया महिलामाथि तेजाब प्रहार
<p>काठमाडौं। क्रिकेटको ब्याट भाँचेको निहुँमा कपिलवस्तुमा ५१ वर्षीया महिलामाथि तेजाब प्रहार भएको छ।</p>
<p>ब्याट्रि पसल गर्ने हरिनारायण वराईले स्थानीय बेदमतीदेवी गुप्तालाई तेजाब प्रहार भएको वडा प्रहरी कार्यालय चन्द्रौटाका प्रहरी निरीक्षक दिपेश खरेलले <em>देखापढी</em>लाई बताए।</p>
<p>“क्रिकेटको ब्याट भाँचेको भन्ने निहुँमा आपसमा झै-झगडा भएको देखिन्छ”, उनले भने,“त्यसपछि ती महिलामाथी तेजाब प्रहार गरिएको रहेछ।”</p>
<p>तेजाब प्रहार गरिएकी महिलाको अवस्था गम्भीर रहेको प्रहरीले जनाएको छ। उनको अनुहार र शरीर जलेको छ।</p>
<p>ती महिलाको अहिले युनिर्भसल मेडिकल कलेज भैरहवामा उपचार भइरहेको छ।</p>
<p>प्रहरीले तेजाब प्रहार गर्ने २९ वर्षीय हरिनारायण वराईलाई पक्राउ गरिसकेको छ। उनले ब्याट्रिमा प्रयोग गरिने तेजाब महिलाको शरीरमा प्याकेका थिए।</p>
<p>उनीहरूबीच २/३ वर्षदेखि नै घरायसी विवादमा झै-झगडा हुने गरेको खुलेको छ।</p>
<p>प्रहरीले तेजाब प्रहार गर्ने वराईविरुद्ध ज्यान मार्ने उद्योग अन्तर्गत मुद्दा चलाउन अनुसन्धान गरिरहेको छ।</p>
<p>अदालतबाट म्याद थपेर कारबाही प्रक्रिया अघि बढाइने प्रहरी निरीक्षक खरेलले जानकारी दिए।</p>
प्रतिक्रिया दिनुहोस्
.jpg)
