अव्यवहारिक लाग्ने समझदारी गर्नु परेपनि पार्टी एकीकरण गर्न सकेकोमा सन्तुष्ट : कमल थापा
<p>काठमाडौं। राष्‍ट्रिय प्रजातन्त्र पार्टीका अध्यक्ष कमल थापाले एकता गर्दा केही अव्यवहारिक जस्तो लाग्‍ने समझदारी गर्नु परेपनि पार्टी एकताबद्ध गर्न सकेकोमा सन्तुष्ट भएको बताएका छन्।</p>
<p>आज बिहान ट्वीटमार्फत थापाले एकता महाधिवेशनबाट निर्वाचित अध्यक्षको हैसियतले आफ्नै कार्यकालमा पार्टी एकीकरण गर्न सकेकोमा खुसी भएको बताएका हुन्।</p>
<p>'अब विगतका त्रुटी कमिकमजोरीबाट पाठ सिकेर अघि बढौं। राप्रपाले देश बचाउने र बनाउने शक्ति बनाऔं' थापाले लेखेका छन्।</p>
<p>उनले पार्टीलाई जनताले भरोसा गर्नसक्ने बलियो विकल्प बनाउने दाबी गर्दै नयाँ उर्जाका साथ संगठन निर्माणमा जुट्न कार्यकर्ताहरूमा आव्हान गरेका छन्।</p>
<p>राष्ट्रिय प्रजातन्त्र पार्टी (संयुक्त) र राष्ट्रिय प्रजातन्त्र पार्टीबीच हिजो, २४ फागुन राति एकीकरण सहमति भएको थियो। </p>
<p>एकीकृत राप्रपाले राजसंस्थासहितको प्रजातन्त्र, सनातन हिन्दू राष्ट्र अंगीकार गर्ने निर्णय गरेको छ।</p>
प्रतिक्रिया दिनुहोस्
.jpg)
