धनगढी उपमहानगरपालिकाद्वारा परीक्षा सञ्चालनका लागि विद्यालय बन्द नगर्न आग्रह
<p>कैलाली। २५ फागुनदेखि धनगढीका सम्पूर्ण विद्यालय बन्द गर्ने निर्णय गरेकाे धनगढी उपमहानगरपालिकाले परीक्षा सञ्चालनका लागि विद्यालय बन्द नगर्न आग्रह गरेको छ।</p>
<p>आज उपमहानगरपालिकाले प्रेस विज्ञप्ति जारी गर्दै सबै विद्यालयहरूलाई समयमै परीक्षा शुरू गर्न निर्देशन दिएकाे छ।</p>
<p>नाेवेल काेराेना भाइरसकाे जाेखिम बढेकाे भन्दै २३ फागुनमा उपमहानगरपालिकाले अर्काे सूचना जारी नभएसम्मका लागि २५ फागुनदेखि लागू हुने गरी विद्यालय बन्द गर्न निर्देशन दिएकाे थियाे।</p>
<p>संघीय सरकारकाे परिपत्रअनुसार ५ चैतभित्र वार्षिक परीक्षा सम्पन्न गर्न निर्देशन दिएपछि साेहीअनुसार गर्न उपमहानगरपालिकाले भनेकाे छ।</p>
<p>धनगढी उपमहानगरपालिका शिक्षा महाशाखाका अधिकृत महादेश जोशीले संघीय सरकारको परिपत्रअनुसार नै परीक्षा हुने बताए।</p>
<p>धनगढी उपमहानगरपालिकाभित्र १०७ निजी र ७३ सामुदायिक विद्यालय छन्।</p>
प्रतिक्रिया दिनुहोस्
.jpg)
