३० रूपैयाँ पर्ने मास्कलाई १०० रूपैयाँ !
<p>ललितपुर। उद्योग, वाणिज्य तथा आपूर्ति मन्त्रालय, वाणिज्य विभाग जिल्ला बजार अनुगमन समितिले ललितपुरका औषधि पसल अनुगमन गरेकाे छ।</p>
<p>साे क्रममा टाइम मेडिकेयर फार्मेसीले ३० रूपैयाँ पर्ने मास्कलाई १०० रूपैयाँमा बेच्‍ने गरेको पाइएको छ। सो फार्मेसीसँग खरीद बिल पनि नभएको पाइएको छ। सो पसलबाट ६ थान मास्क जफत गरिएको छ।</p>
<p>यसैगरी पाटन अस्पताल नजिकै सञ्चालित जीपीपी म्यानकाइण्ड प्रालिले कपडाको मास्क साधारण खरीदको बिलसमेत पसलमा नराखेको र २५ रूपैयाँमा बेच्नुपर्नेमा ५० रूपैयाँ लिएर व्यापार गरेकाे पाइएपछि अनुगमन समितिले २२ थान मास्क जफत गरेको छ। </p>
<p>बजारमा मास्क तथा औषधिको मूल्य वृद्धि र अभाव भएसँगै उचित मूल्य निर्धारणका लागि आज १२ पसलमा अनुगमन गरिएको हो।</p>
<p>जिल्ला प्रशासन कार्यालय ललितपुरका सहायक प्रमुख जिल्ला अधिकारी खेमप्रसाद भुसालले मुलुकमा कोभिड-१९ को संक्रमणको जोखिम बढ्दै गएको हुँदा आगामी दिनमा सञ्चालकलाई उचित मूल्य लिन तथा सबै वस्तुको खरीदको बिल, प्यान तथा भ्याट राख्न आग्रह गरे।</p>
<p>अनुगमनमा समितिमा विभागका कर्मचारी रेवती ज्ञवाली, विष्णुप्रसाद शर्मा र विकल श्रेष्ठलगायत उद्योग वाणिज्य संघ ललितपुरकी गीता न्यौपाने, प्रहरी प्रभाग लगनखेलका प्रहरी सहायक निरीक्षक रामशर्मा न्यौपाने छन्। <em>रासस</em></p>
प्रतिक्रिया दिनुहोस्
.jpg)
