भोजपुर ट्रेल रेस नहुने
<p>भोजपुर। कोरोना भाइरसको सम्भावित संक्रमणप्रति सावधानी अपनाउँदै अन्तर्राष्‍ट्रिय अल्ट्राधाविक मीरा राईको गृह जिल्ला भोजपुरमा तय गरिएको ‘भोजपुर ट्रेल रेस’ स्थगित गरिएको छ।</p>
<p>२४-२५ फागुनमा ट्रेल रेस हुने तालिका सार्वजनिक गरिएको थियो। विगत पाँच वर्षदेखि भोजपुरमा यो रेस आयोजना गरिँदै आइएको छ।</p>
<p>मीरा राई फाउण्डेसनले आज विज्ञप्ति निकालेर कोभिड-१९ को जोखिमबाट नेपाल उच्च जोखिममा रहेको विश्‍व स्वास्थ्य संगठनको घोषणासँगै रेस सञ्‍चालन हुने क्षेत्र पौवादुङ्‍मा गाउँपालिकाले महोत्सव, समारोहलगायतका भिडभाड हुने कार्यक्रम नगर्न अनुरोध गरिएकाले रेस स्थगित गरिएको जनाएको छ।</p>
<p>मीराको जन्मघर सानोदुम्मादेखि ५० किलोमिटर दूरीको रेस तय भएको थियो, जसमा देश र विदेशका करीब ४०० जना अल्ट्राधावक प्रतिस्पर्धामा आउँदै थिए।</p>
प्रतिक्रिया दिनुहोस्
.jpg)
