वर्षाका कारण नेपाल-सिंगापुरबीचको खेल रद्द
<p>काठमाडौं। चिसो आउटफिल्डका कारण एसीसी ट्वान्टी-२० इस्टर्न रिजन प्रतियोगितामा आज नेपाल र सिंगापुरबीचको खेल टस नै नभइ रद्द भएको छ।</p>
<p>स्थानीय समय अनुसार बिहान ९:३० बजे खेल हुने भनिएको थियो।</p>
<p>तर, आउट फिल्ड राम्रोसँग नसुकेका कारण ११:४५ बजेसम्म पनि टस हुन नसकेपछि खेल रद्द भएको हो।</p>
<p>यही मैदानमा आज हङकङ र मलेसियाबीको खेल पनि स्थानीय समयअनुसार २:१५ बजे तय गरिएको छ।</p>
<p>यससँगै दाबेदार बनेर गएको नेपाल एक खेलमा विजय हासिल गर्दै घर फर्किने भएको छ।</p>
<p>नेपालले २१ फागुनमा थाइल्यान्डमाथि नौ विकेटको विजय हासिल गरे पनि सोही दिन सम्पन्न दोस्रो खेलमा सिंगापुरले हङकङलाई १६ रनले पराजित गरिदिएपछि नेपालको अघिल्लो चरणको सम्भावना समाप्त भएको थियो।</p>
<p>सिंगापुरले भने शीर्ष स्थानमा रहेर मलेसियामा हुने एसिया कप छनोट प्रतियोगितामा स्थान पक्का गरिसकेको छ।</p>
<p>यस प्रतियोगिताबाट शीर्ष दुई टीमले एसिया कप छनोटमा स्थान बनाउँछन्। </p>
<p>सिंगापुरसँगै हङकङ र मलेसियाबीचको विजेताले एसिया कपको छनोट प्रतियोगिता खेल्नेछन्।</p>
<p>नेपाल पहिलो खेलमा मलेसियासँग २२ तथा दोस्रो खेलमा हङकङसँग ४३ रनले रनले पराजित भएको थियो।</p>
<p>लगातारको खराब प्रदर्शनका कारण नेपाली टीमको चर्को आलोचना भएको छ।</p>
<p>यसअघि पनि आइसीसी ट्वान्टी-२० विश्वकप एसिया रिजनल छनोटमा पनि नेपाल कतार र सिंगापुरसँग पराजित हुँदै प्रतियोगिताको पहिलो चरणबाटै बाहिरिएको थियो।</p>
प्रतिक्रिया दिनुहोस्
.jpg)
