बलात्कार आरोपमा नेपाल प्रहरी पूर्वडीएसपी पक्राउ
<p>काठमाडौं। नेपाल प्रहरीका पूर्वडीएसपी राजकुमार खिउजू पक्राउ परेका छन्।</p>
<p>बलात्कार आरोप लागेका उनलाई आज भक्तपुरबाट पक्राउ गरिएको महानगरीय प्रहरी परिसर ललितपुरका प्रमुख, एसएसपी टेकप्रसाद राईले <em>देखापढी</em>लाई बताए। </p>
<p>तत्कालीन डीएसपी खिउजूले ३० माघ २०७५ मा महानगरीय प्रहरी वृत्त, चापागाउँ पुगेका बेला कार्यकक्षमै सेवाग्राही युवतीलाई बलात्कार गरेको आरोप लागेको थियो। </p>
<p>खिउजूले प्रहरीबाट स्वेच्छिक अवकाश लिइसकेका थिए। </p>
<p>पीडित युवतीले २२ माघमा ललितपुर प्रहरीमा किटानी जाहेरी दिएकी थिइन्।</p>
<p>खिउजूलाई पक्राउ गर्न प्रहरीले २३ माघमा अनुमति पाएपनि उनी ‘फरार’ थिए।</p>
<p>आज पक्राउ परेका खिउजूमाथि थप अनुसन्धान भइरहेको एसएसपी राईले बताए। </p>
<p>खउजूलाई हिरासतमा राखेर थप अनुसन्धान गर्न प्रहरीले भोलि अदालतसँग म्याद लिनेछ। <br />
</p>
प्रतिक्रिया दिनुहोस्
.jpg)
