अर्थमन्त्री खतिवडाले लिए पद तथा गोपनियताको शपथ
<p>काठमाडौं। नवनियुक्त अर्थमन्त्री एवं सञ्चार तथा सूचना प्रविधि मन्त्री डा. युवराज खतिवडाले शपथ लिएका छन्।</p>
<p>राष्‍ट्रपतिको कार्यालय शीतल निवासमा आज दिउँसो आयोजित कार्यक्रममा खतिवडाले पद तथा गोपनियताको शपथ लिएका हुन्। </p>
<p>उनलाई राष्ट्रपति विद्यादेवी भण्डारीले शपथ गराइन्। खतिवडालाई राष्ट्रपति विद्यादेवी भण्डारीले आज बिहान अर्थ र सञ्चार तथा सूचना प्रविधि मन्त्री नियुक्त गरेकी थिइन्। </p>
<p style="text-align:center"><img alt="" height="512" src="https://www.dekhapadhi.com/storage/photos/shares/People/Yubraj-Khatiwada-Shapath-1.jpg" width="768" /></p>
<p>२० फागुनमा राष्ट्रिय सभाको कार्यकाल सकिएपछि पदबाट राजीनामा दिएका खतिवडालाई प्रधानमन्त्री केपी शर्मा ओलीको सिफारिसमा आज राष्ट्रपतिले मन्त्री नियुक्त गरेकी हुन्।</p>
<p>शपथ समारोहमा उपराष्ट्रपति नन्दबहादुर पुन, राष्ट्रिय सभाका अध्यक्ष गणेशप्रसाद तिमिल्सिना तथा सरकारका मन्त्री एवं पूर्वमन्त्रीहरू सहभागी थिए। </p>
प्रतिक्रिया दिनुहोस्
.jpg)
