धनगढीमा बन्दको आंशिक प्रभाव
<p>कैलाली। थरुहट/थारुवान राष्ट्रिय मोर्चाले गरेको आमहड्तालको दोश्रो दिन आज पनि तराईका जिल्लामा बन्दको आंशिक प्रभाव परेको छ ।</p>
<p>सरकारसँग १४ बुँदे माग राख्दै आन्दोलनरत मोर्चाले सरकारलाई दबाब दिन दुई दिन कैलाली, कञ्चनपुरसहित तराईका जिल्लामा आमहड्तालको घोषणा गरेको थियो।</p>
<p>छोटो दूरीका सवारीसाधन केही संख्यामा सञ्चालन भइरहेका छन् भने लामो दूरीका सवारीसाधन चल्न सकेका छैनन्।</p>
<p>धनगढीसहित विभिन्न क्षेत्रमा बजार आशिंकरूपमा खुलेका छन्।</p>
<p>रेशम चौधरीसहित ११ जना जेलबन्दीको रिहाइ गर्नुपर्नेलगायतका माग राख्दै मोर्चा १ फागुनदेखि आन्दोलनमा छ।</p>
प्रतिक्रिया दिनुहोस्
.jpg)
