लिभरपुल र चेल्सी भिड्दै
<p>काठमाडौं (एजेन्सी)। इंग्लिस प्रिमियर लिगका दुई हस्ती लिभरपुल र चेल्सी आज राति आमनेसामने हुँदैछन्।</p>
<p>तर, उनीहरुको प्रतिस्पर्धा प्रिमियर लिग नभई बेलायतको अर्को प्रतिष्ठित प्रतियोगिता इमिरेट्स एफए कपमा हुनेछ। </p>
<p>लिभरपुल अहिले प्रिमियर लिगको शीर्षस्थानमा छ र जारी सिजनमा लिग उपाधि जित्ने सहज अवस्थामा छ। चौंथो स्थानमा रहेको चेल्सी भने शीर्ष चारभित्र रहेर अर्को बर्ष यूरोपेली च्याम्पियन्स लिगका लागि छनोट हुन संघर्षरत छ।</p>
<p>आज रातिको खेलमा भने यी दुवै क्लब एफए कपको क्वार्टरफाइनल प्रवेशका लागि भिड्ने छन्। </p>
<p>प्रिमियर लिग उपाधि जित्ने लयमा रहेको च्याम्पियन्स लिगको साविक विजेता लिभरपुल च्याम्पियन लिगमा पनि यथावत् छ। च्याम्पियन्स लिगमा उसको अन्तिम आठमा पुग्ने सम्भावना जीवितै छ।</p>
<p>बायर्न म्युनिखसँग घरेलु मैदानमा नमिठो हार व्यहोरेपछि चेल्सीको भने च्याम्पियन्स लिगको अन्तिम आठमा पुग्ने सम्भावना गणितिय हिसाबले मात्र बाँकी छ। </p>
<p>फ्रांक लाम्पार्डको टोलीका लागि यस बर्ष उपाधि जित्ने सम्भावना बाँकी रहेको कुनै प्रतियोगिता छ भने त्यो एफए कप नै हो। तर, प्रमुख खेलाडीहरुले चोट बोक्दा लाम्पार्ड थप दबाबमा छन्।</p>
प्रतिक्रिया दिनुहोस्
.jpg)
