शहीद स्मारक ‘बी’ डिभिजन लिगमा सातदोबाटोको लगातार तेस्रो जित
<p style="text-align:justify">काठमाडौं। दिनेश राईले शुरूमै गरेको गोलमा सातदोबाटो युथ क्लबले आज शहीद स्मारक ‘बी’ डिभिजन लिगमा श्री कुमारी क्लबविरुद्ध १-० को विजय हासिल गरेको छ।</p>
<p style="text-align:justify">सातदोबाटो यो लगातार तेस्रो जित हो। </p>
<p style="text-align:justify">जितसँगै सातदोबाटो युथ लिगको दोस्रो स्थानमा उक्लिएको छ। सातदोबाटो युथको नौ अंक छ। बाँसबारी क्लबको पनि समान नौ अंक छ।</p>
<p style="text-align:justify">तर, गोलअन्तरका आधारमा बाँसबारी शीर्ष स्थानमा रहेको हो। श्री कुमारीको भने यो दोस्रो हार हो। एक खेलमात्र खेलेको श्री कुमारी नवौं स्थानमा छ। </p>
<p style="text-align:justify">सातदोबाटोस्थित एन्फा मुख्यालयको मैदानमा दिनेशले १४औं मिनेटमा गरेको गोल सातदोबाटो युथलाई जिताउन पर्याप्त बन्यो।</p>
<p style="text-align:center"><img alt="" height="683" src="https://www.dekhapadhi.com/storage/photos/shares/Sports/B Division League 1.JPG" width="1024" /></p>
<p style="text-align:justify">पासाङ लामाले दिएको पासमा दिनेशले विपक्षी तीन रक्षकलाई छलाएर १८ यार्डबाट हानेको प्रहारलाई श्री कुमारीका गोलकिपर अनिश देउलाले रोक्न सकेनन्। </p>
<p style="text-align:justify">‘बी’ डिभिजन लिगमा १२ टोलीले प्रतिस्पर्धा गरेका छन्। शीर्ष एक क्लब ‘ए’ डिभिजनमा उक्लने छ भने पुछारको एक क्लब ‘सी’ डिभिजनमा घटुवा हुनेछ। </p>
.jpg)
