यात्रुले छुटाएका सामान फिर्ता गर्ने २१ ट्याक्सी चालक सम्मानित
<p>काठमाडौं। महानगरीय ट्राफिक प्रहरी महाशाखाले २१ जना ‘असल ट्याक्सी चालक’ हरूलाई सम्मान गरेको छ।</p>
<p>यात्रुले ट्याक्सीमा छुटाएको नगद, गरगहना र महत्वपूर्ण सामानहरु आफैँ आई महाशाखामा बुझाउने चालकहरुलाई आज सम्मान गरिएको हो।</p>
<p>यात्रुले छुटाएको सामान आफैँ प्रहरीमा आइ बुझाएर मानवीयता देखाएकोमा उनीहरूलाई सम्मान गरिएको महानगरीय ट्राफिक प्रहरी महाशाखा प्रमुख, प्रहरी वरिष्ठ उपरीक्षक भीमप्रसाद ढकालले बताए।</p>
<p>सम्मानबाट आफूहरू अझ बढी जिम्मेवार भएको ट्याक्सी चालकहरुले बताएका छन्।</p>
<p><img alt="" height="540" src="https://www.dekhapadhi.com/storage/photos/shares/Security/taxi chalak samman 1.jpg" width="960" /></p>
<p>ट्याक्सी चालक रिधबहादुर थापाले ट्राफिक प्रहरीबाट असल ट्याक्सी चालकको रुपमा सम्मानित हुन पाउँदा थप हौसला मिलेको बताए।</p>
<p>ट्राफिक प्रहरीका अनुसार यस आर्थिक वर्षको १६ फागुनसम्ममा २१ जना चालकहरूले ट्याक्सीमा यात्रुले छुटाएको सामान बुझाएका छन्।</p>
<p>ट्याक्सीमा सामान छुटेको भन्दै ३९५ जनाले निवेदन दिएकोमा २८० जनाको एक करोड ४८ लाख ६० हजार ३६५ रुपैयाँ बराबरको सामान फेला परेको छ।</p>
<p>त्यस्तै ६३ जनाको निवेदन अनुसार सवारी साधन फेला परेपनि सामान पाउन सकिएको छैन।</p>
<p>५२ जनाको सवारी नम्बर पहिचान भएको छैन।</p>
प्रतिक्रिया दिनुहोस्
.jpg)
