शुरू भयो यस वर्षको प्रि-मनसुन, तीन महीना मौसम बदली भइरहने
<p>काठमाडौं। यस वर्षको प्रि-मनसुन शुरू भएको छ। मौसम पूर्वानुमान महाशाखाका अनुसार नेपालमा प्रि-मनसुन भित्रने सरदर समय १ मार्च हो।</p>
<p>मार्चदेखि शुरू हुने प्रि-मनसुन सामान्यतया मे महीना (तीन महीना) सम्म जारी रहने मौसमविद् गंगा नगरकोटीले <em>देखापढी</em>लाई जानकारी दिइन्।</p>
<p>उनका अनुसार यस अवधिमा अवधिमा स्थानीय वायुको सक्रियता बढ्ने भएकोले मौसम फेरबदल भइरहन्छ।</p>
<p>"पश्चिमी वायुको प्रभाव कम हुने यस अवधिमा स्थानीय वायुको प्रभावले मौसममा निकै उतारचढाब आउँछ", नगरकोटीले भनिन्।</p>
<p>प्रि-मनसुनको समयमा दिनभर घाम लाग्ने र अपराह्न तथा साँझपख हावाहुरी, मेघ गर्जन चट्याङसहित फाटफुट वर्षा हुने र असिना-पानीसमेत आउनसक्ने मौसम पूर्वानुमान महाशाखाले जनाएको छ।</p>
<p>महाशाखाका अनुसार प्रि मनसुनसँगै तापक्रम पनि क्रमश: बढ्दै जान्छ।</p>
प्रतिक्रिया दिनुहोस्
.jpg)
