प्रधानमन्त्री कप भलिबलः एपीएफ र पुलिस विजयी
<p>बाँके। प्रधानमन्त्री कप अन्तर्राष्ट्रिय आमन्त्रण महिला भलिबल प्रतियोगितामा डिफेन्डिङ च्याम्पियन नेपाल एपीएफ क्लब र नेपाल पुलिस क्लबले विजयी शुरुआत गरेका छन्।</p>
<p>उद्घाटन खेलमा एपीएफले नेपाली सेनालाई ३–१ सेटमा पराजित गरेको हो।</p>
<p>पहिलो सेटमा पराजित भएको एपीएफले त्यसपछि लगातार तीन सेट जितेको थियो।</p>
<p>अर्को खेलमा नेपाल पुलिस क्लबले न्यू डायमण्डलाई सोझो सेटमा पराजित गरेको छ।</p>
<p>बाँके जिल्ला भलिबल संघको आयोजनामा भएको प्रतियोगिताको प्रदेश ५ का मुख्यमन्त्री शंकर पोखरेलले उद्घाटन गरे। यो प्रतियोगिताको छैटौं संस्करण हो।</p>
<p>प्रतियोगितामा पाँच टीमको सहभागिता छ।</p>
प्रतिक्रिया दिनुहोस्
.jpg)
