‘बी’ डिभिजन लिग: बाँसबारी शीर्षमा
<p>काठमाडौं। सुलेमान थापामगर र सजिन थापामगरले समान दुई गाेल गरेपछि बाँसबारी क्लबले आज शहीद स्मारक ‘बी’ डिभिजन लिगमा मध्यपुर युथ एशाेसिएसनलाई ५-२ ले पराजित गरेको छ।</p>
<p>बाँसबारीको यो लगातार तेस्रो जित हो। यससँगै बाँसबारीले ९ अंक जोड्दै शीर्ष स्थानमा उक्लिएको छ। खुमलटार युथ र सातदोबाटो युथ क्लबको समान ६ अंक छ।</p>
<p>सातदोबाटोस्थित एन्फा मुख्यालयमा सुलेमानले पहिलो मिनेटमै बाँसबारीलाई अग्रता दिएका थिए। सजिनले छैटौं मिनेटमा बाँसबारीको अग्रता दोब्बर बनाए।</p>
<p>सुलेमानले ११औं मिनेटमा व्यक्तिगत दोस्रो गोल गरे। सजिनले ४६औं मिनेटमा सजिनले फेरि अर्को गोल थपे। बाँसबारीका सुरेश कुमालले ६७औं मिनेटमा अर्को गाेल थपे।</p>
<p>खेल सकिन १० मिनेट बाँकी रहँदा मध्यपुर युथले दुई गोल फर्काए पनि अंक जोड्न सकेन। मध्यपुर युथका धीरज श्रेष्ठ र सन्नी लामाले गोल गरेका थिए।</p>
<p>मध्यपुरको यो लगातार तेस्रो हार हो। मध्यपुर युथ पहिलो खेलमा खुमलटार युथ र दोस्रो खेलमा श्री भगवती क्लबसँग पराजित भएको थियो।</p>
प्रतिक्रिया दिनुहोस्
.jpg)
