महोत्तरीमा पूर्व शिक्षकमाथि गोली प्रहार, शंकास्पद एकजना पक्राउ
<p>काठमाडौं। महोत्तरीमा आज बिहानै एक व्यक्तिलाई गोली हानिएको छ।</p>
<p>मनरासिसवा नगरपालिका-३, का ६१ वर्षीय सहदेवप्रसाद यादवमाथि गोली प्रहार भएको महोत्तरी प्रहरीले जनाएको छ। यादव रिटायर्ड शिक्षक हुन्। </p>
<p>शौचालय निस्किएका यादवलाई बिहान २ बजेतिर गोली प्रहार गरिएको जिल्ला प्रहरी कार्यालय महोत्तरीका डीएसपी माधव बुढाथोकीले <em>देखापढी</em>लाई जानकारी दिए।</p>
<p>"छातिमुनि गोली लागेको छ। जनकपुरस्थित जानकी केयर अस्पतालमा उपचार भइरहेको छ। उहाँ खतरामुक्त हुनुहुन्छ", बुढाथोकीले भने।</p>
<p>घटनास्थलबाट चाइनिज पेस्तोलमा लाग्ने दुई राउण्ड गोलीका खोका र एक राउण्ड गोली बरामद भएको प्रहरीले जनाएको छ।</p>
<p>यादवमाथि गोली प्रहार गरेको आशंकामा शंकास्पद एक व्यक्ति महोत्तरीकै गौशालाबाट केही बेरअघि पक्राउ गरिएको महोत्तरी प्रहरी प्रमुख श्यामकृष्ण अधिकारीले बताए।</p>
प्रतिक्रिया दिनुहोस्
.jpg)
