हङकङविरुद्ध नेपालले पायो १५५ रनको लक्ष्य
<p>काठमाडौं। एसीसी ट्वान्टी-२० इस्टर्न रिजनमा नेपालले हङकङविरुद्ध जितका लागि १५५ रनको रनको लक्ष्य पाएको छ।</p>
<p>थाइल्याण्डको टेर्डथाई क्रिकेट मैदानमा हङकङले ६ विकेट गुमाएर १५४ रन बनाएको छ।</p>
<p><img alt="" height="640" src="https://www.dekhapadhi.com/storage/photos/shares/Sports/acc 20-20 nepal vs hongkong.jpg" width="960" /></p>
<p>नेपालले पहिलो खेलमा मलेसियाविरुद्ध पनि १५५ रनको लक्ष्य पाएको थियो। तर, नेपालले १३२ रन मात्र बनाउन सक्यो।</p>
<p>नेपालका कप्तान ज्ञानेन्द्र मल्लले टस जितेर हङकङलाई ब्याटिङको निम्तो दिएका थिए। उनको निर्णय सही सावित हुन सकेन।</p>
<p>हङकङका साहिद वासिफ र निजाकत खान मोहम्मदले पहिलो विकेटका लागि ५८ रनको साझेदारी गरे।</p>
<p>वाँया हाते स्पिनर सुशन भारीले वासिफलाई आरिफ शेखमार्फत क्याच गर्दै दुईको साझेदारी तोडेका थिए।</p>
<p>निजाकतले खानले हारून माहेम्मद अर्शदसँग दोस्रो विकेटका लागि २१ रनको साझेदारी गरे।</p>
<p>हङकङको दोस्रो साझेदारीलाई पनि सुशन भारीले तोडे।</p>
<p>निजाकत खानलाई सुशनले कुशल मल्ल मार्फत क्याच गरे। लगत्तै किनचित शाहलाई सन्दीप लामिछानेले दीपेन्द्रसिंह ऐरीमार्फत क्याच गरे।</p>
<p>त्यसपछि हारून मोहम्म्द र मोहम्मद अजिज खानले चौथो विकेटका लागि २५ रनको साझेदारी गरे।</p>
<p>कुशलले हारून मोहम्मदलाई अभिनाष बोहरामार्फत क्याच गरे।</p>
<p>साहिद वासिफले २६ रन बनाउँदा निजकत खानले ४८ रन जोडे।</p>
<p>हारून मोहम्मदले २७ रन बनाए भने मोहम्मद अजिजले २९ रन बनाए। जेम्स जोन एटकिन्सनले १३ रन बनाए।</p>
<p>नेपालका सन्दीप लामिछाने र सुशन भारीले समान दुई विकेट लिए भने कुशल मल्लको नामा एक विकेट रह्यो।</p>
.jpg)
