एसीसी ट्वान्टी-२० इस्टर्न रिजन: हङकङविरुद्ध टस जितेर बलिङ गर्दै नेपाल
<p>काठमाडौं। एसीसी ट्वान्टी-२० इस्टर्न रिजनमा आज नेपालले हङकङबिरुद्ध टस जितेर पहिलो बलिङ गर्ने निर्णय गरेको छ।</p>
<p>थाइल्याण्डको टेर्डथाई क्रिकेट मैदानमा नेपालका कप्तान ज्ञानेन्द्र मल्लले टस जितेर हङकङलाई ब्याटिङको निम्तो दिएका हुन्।</p>
<p>ट्वान्टी-२० क्रिकेटमा नेपाल र हङकङ आठ पटक आमने सामने भएका छन्। जसमा नेपाल र हङकङले समान चार चार खेल जितेका छन्।</p>
<p>नेपाल पहिलो खेलमा मलेसियासँग २२ रनले पराजित भएको थियो। नेपालले मलेसियासँग खेलेको टीममा कुनै परिवर्तन गरेको छैन।</p>
<p><strong>नेपाली टीमः</strong></p>
<p><em>ज्ञानेन्द्र मल्ल(कप्तान) दीपेन्द्रसिंह ऐरी, पारस खड्का, विनोद भण्डारी, आरिफ शेख, करण केसी, सन्दीप लामिछाने, अभिनाश बोहरा, कुशल मल्ल, सुसन भारी, पवन सरार्फ।</em></p>
प्रतिक्रिया दिनुहोस्
.jpg)
