राम्रा कामको प्रचार नहुँदा नकारात्मक टिप्पणी भयो : मुख्यमन्त्री पोखरेल
<p>राँझा। प्रदेश ५ का मुख्यमन्त्री शंकर पोखरेलले सरकारले गरेका राम्रा कामको प्रचार नहुँदा नकारात्मक टिप्पणी मात्र हुने गरेको बताएका छन्।</p>
<p>नेपालले विकसित मुलुकहरू बराबरको आर्थिक वृद्धिदर हासिल गर्दै गएको र प्रदेश सरकारले संचालन गरेका काम जनताले अनुभूति गर्न थालेको मुख्यमन्त्री पोखरेलको दाबी छ।</p>
<p>बाँकेको बैजनाथ गाउँपालिकामा रहेका सुकुम्वासीलाई १७ फागुनमा जग्गाधनी पुर्जा वितरण गर्दै मुख्यमन्त्रीले भने, “भोट माग्ने राजनीति सिद्धिने डरले कतिपय दलले सरकारविरोधी गतिविधिलाई बढावा दिइरहेका छन्”</p>
<p>“पछिल्लो समय विकास नभएको चिन्ता गर्नेभन्दा बढी विकास गतिविधि बढेको कारण चिन्तित हुनेको संख्या बढेको छ”, उनको भनाइ छ।</p>
<p>बाँकेको बैजनाथ गाउँपालिका-६ मा जग्गा उपभोग गरेका ११३ सुकुम्वासीलाई तेस्रोचरणको कार्यक्रम अन्तर्गत जग्गाधनी पुर्जा वितरण गरिएको थियो। </p>
<p>उनीहरूले २२ वर्षपछि जग्गाको स्वामित्व पाएका छन्। <em>रासस</em></p>
प्रतिक्रिया दिनुहोस्
.jpg)
