कांग्रेस सभापति देउवाद्वारा पार्टीका १३ विभाग प्रमुख मनोनयन, संगठन विभाग गोपालमान श्रेष्ठलाई
<p>काठमाडौं। नेपाली कांग्रेसको महाधिवेसन भएको ६ महिनाभित्र गठन गर्नुपर्ने पार्टीका विभिन्न विभागको प्रमुखमा सभापति शेरबहादुर देउवाले चार वर्षपछि मनोनयन गरेका छन्। </p>
<p>देउवाले आज १३ विभागका प्रमुख मनोनयन गरेको नेपाली कांग्रेसका मुख्य सचिव कृष्णप्रसाद पौडेलले विज्ञप्तिमार्फत् जनाएका छन्।</p>
<p>देउवाले संगठन विभाग प्रमुखको जिम्मेवारी गोपालमान श्रेष्ठलाई दिएका छन्। त्यसतै संघीय मामिला तथा प्रदेश समन्वय विभाग प्रमुखमा रमेश रिजाल मनोनित भएका छन्। </p>
<p>मुस्लिम विभागमा फरमूल्लाह मन्सूर, स्थानीय तह समन्वय विभागमा अर्जुनप्रसाद जोशी, वित्तिय तथा सहकारी संस्था समन्वय विभागमा आनन्दप्रसाद ढुंगाना र तराई-मधेश समन्वय विभागमा अजयकुमार चौरसियालाई मनोनित गरिएको हो।</p>
<p>त्यस्तै सभापति देउवाले यातायात व्यवसायी समन्वय विभागमा महेन्द्र यादव, तरुण विभागमा शंकर भण्डारी, आदिवासी जनजाति विभागमा सीता गुरुङ र नेपाली</p>
<p>जनसम्पर्क समिति समन्वय विभागमा गोविन्द भट्टराईलाई मनोनित गरेका छन्। </p>
<p>प्रवक्ता विश्वप्रकाश शर्मालाई सूचना, सञ्चार तथा प्रचार विभाग प्रमुखको जिम्मेवारी दिएका देउवाले उद्योग व्यापार विभागमा चिनकाजी श्रेष्ठ र श्रमिक तथा ट्रेड युनियन विभागमा शिवप्रसाद हुमागाँइलाई छानेका छन्। </p>
<p>त्यस्तै देउवाले पाँच जनालाई केन्द्रीय कार्यसमितिको आमिन्त्रत सदस्य मनोनित गरेका छन्।</p>
<p>दाङका कृष्णकिशोर घिमिरे, झापाका गोपालकुमार बस्नेत र सुधीरकमुार शिवाकोटी, धनकुटाका मनोहरनारायण श्रेष्ठ र तनहुँका ध्रुव आले त्यसरी आमन्त्रित केन्द्रीय सदस्य मनोनित भएका हुन्। </p>
<p style="text-align:center"><img alt="" height="1024" src="https://www.dekhapadhi.com/storage/photos/shares/Politics/FB_IMG_1582984956109.jpg" width="747" /></p>
<p><br />
</p>
प्रतिक्रिया दिनुहोस्
.jpg)
