‘अविवाहित’ मुख्यमन्त्री राईविरुद्ध अंश मुद्दा !
<p>काठमाडौं। काठमाडौं जिल्ला अदालतमा प्रदेश १ का मुख्यमन्त्री शेरधन राईविरुद्ध अंश मुद्दा परेको छ।</p>
<p>दोलखाकी बालिका खड्काले राईसँग आफ्ने यसअघि नै बिहे भइसकेको दावी गर्दै १६ फागुनमा अंश मुद्दा दायर गरेको अदालतका श्रेष्तेदार आनन्दराज श्रेष्ठले <em>देखापढी</em>लाई बताए। </p>
<p>खड्काले मुख्यमन्त्री राई आफ्नो पति भएको दावि गर्दै नाता कायम गरी अंश दिलाई पाउँ भन्दै मुद्दा हालेकी हुन्। खड्काले आफूलाई राईले दुव्र्यवहार र घरेलु हिंसा गरेको पनि आरोप लगाएकी छन्। </p>
<p>आफू २०७१ सालदेखि राईसँग सँगै रहेको दावी गरेकी खड्काले यसअघि राई सञ्चारमन्त्री हुँदा आफूलाई गोल्फुटारमा कोठा लिइ राखेको दावि गरेकी छन्। </p>
<p>अदालतका श्रेस्तेदार श्रेष्ठले मुद्दा दर्ता भएसँगै प्रतिवादी बनाइएका शेरधन राईलाई अदालतमा आएर आफ्नो कुरा राख्न भन्दै म्याद पठाइने बताए। </p>
<p>प्रतिवादी उपस्थित भएर आफ्नो कुरा राखेपछि मुद्दाको प्रक्रिया अघि बढ्ने उनले जानकारी दिए। <br />
<br />
</p>
प्रतिक्रिया दिनुहोस्
.jpg)
