अचनेटार गंगाजमुना सल्यानकोट म्याराथन महोत्सव हुने
<p>काठमाडौं। भ्रमण वर्षलाई सफल बनाउन र युवाहरूलाई विकासमा सहभागी गराउने उद्देश्यले २४ फागुनमा धादिङमा अचनेटार गंगाजमुना सल्यानकोट म्याराथन महोत्सव हुने भएको छ। </p>
<p>अचने उपभोक्ता समितिको आयोजनामा हुने महोत्सवमा भ्रमण वर्ष सम्बन्धी विभिन्न विषयमा छलफल हुने बताइएको छ। </p>
<p>म्याराथन महोत्सवमा स्थानीय र बाह्य गरी २०० भन्दा बढीको सहभागिता हुने आयोजकले बताएको छ।</p>
<p>समितिका संस्थापक राजन अधिकारी र समितिका अध्यक्ष विपीन अधिकारीले नागरिक स्तरबाट पनि सबै मिलेर देशका लागि काम गर्ने हो पाँच वर्षमै नेपाल हरेक हिसाबले समृद्ध हुने उल्लेख गरेका छन्।</p>
<p>देशका युवाहरूलाई स्वदेशमै परिचालन गर्ने गरी प्रभावकारी रूपमा काम भएमा युवाहरू विदेशिनु नपर्ने आयोजकको विश्वास छ। </p>
<p>युवाहरूले नवीन कार्यका लागि एकजुट हुनुपर्ने खाँचो रहेको संस्थापक अधिकारीले औंल्याए।</p>
<p>म्याराथन महोत्सवमा प्रथम हुनेलाई एक लाख , द्वितीय र तृतीय हुनेलाई ५०/५० हजार रूपैयाँ पुरस्कार प्रदान गरिने छ।</p>
प्रतिक्रिया दिनुहोस्
.jpg)
