फ्रान्स पठाइदिन्छु भनी लाखौँ ठगी गर्ने पक्राउ
<p>काठमाडौं। फ्रान्स पठाइदिन्छु भनी ठगी गर्ने एक महिलालाई महानगरीय अपराध नियन्त्रण महाशाखाको टोलीले पक्राउ गरेको छ।</p>
<p>पक्राउ पर्नेमा रुपन्देही घर भई हाल काठमाडौंको तारकेश्वर नगरपालिका- १९ बस्ने पूर्णीमा श्रीष रहेको महाशाखाका प्रहरी उपरीक्षक मुकेशकुमार सिंहले जानकारी दिए।</p>
<p>उपरीक्षक सिंहका अनुसार उनले वैदेशिक रोजगारको सिलसिलामा फ्रान्समा खाना प्याकिङको काममा आकर्षक तलब पाइने लोभ देखाएर तीन जनाबाट ३८ लाख पचास हजार रुपैयाँ ठगी गरेको खुल्न आएको छ।</p>
<p>पीडितले २८ माघमा दिएको उजुरीका आधारमा उनलाई प्रहरीले पक्राउ गरेको हो। श्रीषलाई थप कारवाहीका लागि आज महानगरीय प्रहरी परिसर, काठमाडौंमा पठाइएको छ। <em>रासस</em><br />
</p>
प्रतिक्रिया दिनुहोस्
.jpg)
