मौसममा सुधार, आज र भोलि घाम लाग्ने
<p>काठमाडौं। केही दिनदेखि प्रभावित मौसम आजबाट सुधार हुँदै जाने जल तथा मौसम पूर्वानुमान महाशाखाले जनाएको छ ।</p>
<p>मौसमविद् मञ्जु बासीका अनुसार हिजो, १४ फागुन बेलुकाबाट पश्चिमी न्यून चापीय वायुको प्रभाव कमजोर भएसँगै मौसममा सुधार आएको हो।</p>
<p>बासीका अनुसार आज र भोलि देशभर वर्षा हुने सम्भावना छैन।</p>
<p>बिहान काठमाडौं उपत्यकामा बादल देखिए पनि दिउँसो मौसम खुला भई घाम लाग्ने बताइएको छ।</p>
<p>राति देशको अधिकांश ठाउँमा मौसम सामान्यतया सफा रहने महाशाखाले जनाएको छ।</p>
<p>आज काठमाडौं उपत्यकाको न्यूनतम तापक्रम आठ दशमलव आठ डिग्री र अधिकतम तापक्रम १४ दशमलव एक डिग्री सेल्सियस रहेको छ।</p>
<p>त्यस्तै आज जुम्लाको न्यूनतम तापक्रम सबैभन्दा कम एक दशमलव तीन डिग्री सेल्सियस मापन भएको छ। <em>रासस</em></p>
प्रतिक्रिया दिनुहोस्
.jpg)
