लागुऔषध कारोबारीसँग एक अर्बको सम्पत्ति
<p>काठमाडौं। लागुऔषध कारोबारको आरोपमा पक्राउ परेका काठमाडौं सीतापाइलाका देवेन्द्र छपाली मगरको एक अर्ब सम्पत्ति भेटिएको छ।</p>
<p>लागुऔषध कारोबारबाटै देवेन्द्रले अवैध सम्पत्ति कमाएको सम्पत्ति शुद्धीकरण अनुसन्धान विभागको निष्कर्ष छ।</p>
<p>उनीसँग चल-अचल गरी एक अर्बको सम्पत्ति भेटिएको विभागलाई उद्धृत गर्दै आजको नयाँ पत्रिकाले समाचार लेखेको छ। मगरको सबै सम्पत्ति रोककासमेत गरिएको छ।</p>
<p>अनुसन्धान टुंग्याएको विभागले मुद्दा दायरको तयारी गरेको छ।</p>
<p>देवेन्द्र तीन पटक जेल बसेर छुटेका व्यक्ति हुन्। पछिल्लो पटक २३ बैशाख २०६९ मा उनलाई लागुऔषध नियन्त्रण ब्यूरोले पक्राउ गरेको थियो।</p>
<p>त्यसबेला उनीसहित तीनजना १३६ किलो चरेससहित पक्राउ परेका थिए।</p>
<p>देवेन्द्रले सीतापाइलास्थित आफ्नै घरमा चरेसको गोदाम राखेको प्रहरी अनुसन्धानमा भेटिएको थियो।</p>
<p>उनको हङकङ र जापानका बैंकमा खाता रहेको अनुसन्धानमा खुलेको छ। लागुऔषध कारोबारको पैसा तिनै खातामा जग्गा गर्न लगाउने गरेको प्रहरी अधिकारीहरू बताउँछन्।</p>
<p>देवेन्द्र त्यतिबेला दुई वर्ष जेल बसेर छुटेका थिए।</p>
प्रतिक्रिया दिनुहोस्
.jpg)
