पश्चिम सेती निर्माणका लागि दबाब दिन पत्र संकलन गरिँदै
<p>कैलाली। प्रधानमन्त्री केपी शर्मा ओलीलाई एक लाख पत्र बुझाउने अभियानअन्तर्गत पत्र संकलनकाे काम शुरू भएकाे छ। </p>
<p>७५० मेगावाटको पश्चिम सेती निर्माणका लागि दबाब दिन 'बोलन्या थली' अभियानले पत्र संकलन थालेको हो।</p>
<p>आज विश्व नेपाली साहित्य महोत्सव आयाेजित खुल्ला मन्चबाट पत्र संकलन गर्न थालिएको संयोजक यादव जोशीले बताए।</p>
<p>पत्र संकलनको शुभारम्भ ८४ वर्षीय स्थानीय भोजबहादुर चन्दबाट गरिएको छ। शुरूआतका तीन घण्टामै एक हजार बढी पत्र संकलन भइसकेको छ।</p>
<p>सुदूरपश्चिमका ८८ वटा स्थानीय तहहरूमा संकलन पत्र मन्जुसा पठाउने काम भइरहेको जोशीकाे भनाइ छ। एक महीनाभित्र अभियानले एक लाख पत्र संकलन गरिसक्नेछ।</p>
<p>केही दिनपछि हुलाक र इमेलबाट पनि संकलन कार्य शुरू गर्ने उनकाे भनाइ छ।</p>
प्रतिक्रिया दिनुहोस्
.jpg)
