रहेनन् इजिप्टका पूर्व राष्ट्रपति होस्नी मुबारक
<p>काठमाडौं । इजिप्टका पूर्व राष्ट्रपति होस्नी मुबारकको निधन भएको छ। ९१ वर्षीय मुबारकको कायरोमा निधन भएको कायरोमा उनको निधन भएको इजिप्टका सञ्चारमाध्यमहरूले जनाएका छन्।</p>
<p>इजिप्टमा आन्दोलन हुनुपूर्व मुबारकले तीन दशकसम्म शासन गरेका थिए। उनी सन् २०११ मा राष्ट्रपति पद छोड्न बाध्य भएका थिए।</p>
<p>जनवरीको अन्तिमतिर उनको अपरेशन भएको थियो। शनिवार उनलाई सघन उपचार कक्षमा राखिएको उनका पुत्र अलाले जनाएका थिए।</p>
<p>सन् १९२८ मा जन्मिएका मुबारक किशोरावस्थामा नै वायु सेनामा प्रवेश गरेका थिए । सन् १९७३मा भएको अरब-इजरायल युद्धमा उनले महत्वपूर्ण भूमिका खेलेका थिए।</p>
<p>त्यसको एक दशकपछि तत्कालीन राष्ट्रपति अनवर सदतको हत्यालगत्तै उनी राष्ट्रपति बनेका थिए। उनले इजरायल-प्यालेस्टाइन शान्ति प्रक्रियामा महत्वपूर्ण भूमिका खेले।</p>
<p>लाखौं डलर सैन्य सहायता पाउँदा पनि उनको समयमा इजिप्टमा बेरोजगारी, गरिबी र भ्रष्टाचार बढेको थियो।</p>
<p>ट्युनिशियाबाट शुरू भएको अरब आन्दोलनले जनवरी २०११ मा उनलाई राष्ट्रपति पदबाट बर्खास्त गरेको थियो।</p>
<p>त्यसको एक वर्षपछि मोहमद मर्सी इजिप्टका पहिलो जननिर्वाचित राष्ट्रपति बनेका थिए।</p>
<p>सन् २०१२ मा मुबारकलाई नौ सय जति आन्दोलनकारीको मृत्युको जिम्मेवार ठहर्याउँदै जन्म कैदको सजाय सुनाइएको थियो। साथै उनी र उनका दुवै छोरालाई भ्रष्टाचार गरेको पनि ठहर गरिएको थियो।</p>
<p>सन् २०१७ मा यी सबै मुद्धा उल्ट्याइयो र उनी जेलमुक्त भएका थिए। -बीबीसीबाट</p>
प्रतिक्रिया दिनुहोस्
.jpg)
