‘बी’ डिभिजन लिगः आरसीटी र झम्सीखेलले अंक बाँडे
<p>काठमाडौं। इन्जुरी समयमा सम्हालिन नसक्दा रानीपोखरी कर्नर टीम (आरसीटी)ले आज शहीद स्मारक ‘बी’ डिभिजन लिगमा झम्सीखेल युथ क्लबसँग १-१ को बराबरी खेलेको छ।</p>
<p>सातदोबाटोस्थित एन्फा मुख्यालको मैदानमा आरसीटीले २८औं मिनेटमा अग्रता लिएको थियो। विकेश सुब्बाको पासमा अमर डंगोलले गोल गरेका हुन्। तर, अन्तिममा सम्हालिन नसक्दा आरसीटीले तीन अंक जोगाउन सकेन।</p>
<p>दोस्रो हाफमा सात मिनेट समय थप गरिएको थियो। ९१औं मिनेटमा अनिश चौधरीले बराबरी गोल फर्काए। उनले संजय रम्तेलको कर्नरलाई अनिशले पोष्टको दिशा दिएका हुन्।</p>
<p>आजै सम्पन्न पहिलो खेलमा प्रवेश बस्नेतको दुई गोलमा सातदोबाटो युथ क्लबले नयाँ वस्ती युवा क्लबलाई २-० ले पराजित गरेको छ।</p>
<p>सातदोबाटो युथले ५९औं मिनेटमा प्रवेशको गोलबाट अग्रता लिएको थियो। प्रवेशले खेल सकिन आठ मिनेट बाँकी छँदा वीरेन्द्र लिम्बुको पासमा अर्को गोल थप्दै सातदोबाटोको तीन अंक पक्का गरेका थिए।</p>
प्रतिक्रिया दिनुहोस्
.jpg)
