कर्णाली नदीमा जीप खस्यो, चालकको मृत्यु
<p>दैलेख। कर्णाली राजमार्गअन्तर्गत कालिकोटको नरहरिनाथ गाउँपालिकाका–१ को जिते बजारमा नजिक कर्णाली नदीमा जीप खसेको छ। </p>
<p>रासकोटबाट जितेगडा यात्रु लिएर छुटेको लु१ज ४१४१ नम्बरको जीप फर्किने क्रममा आज बिहान कर्णाली नदीमा खसेको जिल्ला प्रहरी कार्यालय कालीकोटका प्रहरी प्रमुख, श्यामबाबु ओलियाले बताए। </p>
<p>दुर्घटनामा जीप चालक दैलेख गुराँसे गाउँपालिका–४ का १९ वर्षीय चक्रबहादुर खड्काको मृत्यु भएको छ।</p>
<p>जीपमा सवार यात्रु झारेर ब्याक गर्ने क्रममा दुर्घटना भएको जीपमा चालक मात्र रहेको प्रहरीले बताएको छ। <em>रासस</em><br />
</p>
प्रतिक्रिया दिनुहोस्
.jpg)
