भारत बस दुर्घटनामा मृत्यु भएका तीर्थयात्रीको शोकमा इटहरी उपमहानगर विदा
<p>इटहरी। तीर्थयात्रामा गएका बेला भारतमा भएको दुर्घटनामा मृत्यु भएका इटहरी निवासी ६ जनाको शोकमा आज इटहरी उपमहानगरपालिकामा सार्वजनिक विदा दिइएको छ।</p>
<p>इटहरी क्षेत्रका कार्यालय, ससंघसंस्था, शिक्षण संस्था आज एक दिनको लागि शोक विदा गर्ने निर्णय भएको इटहरी उपमहानगरपालिकाकी उपमेयर लक्ष्मी गौतमले जानकारी दिइन्।</p>
<p>२३ माघमा ३५ दिनको यात्रामा निस्किएका नेपालीहरू ७ फागुन राति बैंलुरुमा दुर्घटनामा परेका थिए।</p>
<p>दुर्घटनामा सुनसरीको इटहरी उपमहानगरपालिका-१० का ६ जनाको मृत्यु भएको थियो।</p>
<p>मृत्यु हुनेमा ६४ वर्षका गोपाल तामाङ, ५६ वर्षका टीकाराम चौधरी, ७० वर्षका रसिलाल चौधरी, ६९ वर्षीय वीरबहादुर राई, ६५ वर्षीया फूलसरी चौधरी र बधुनीदेवी चौधरी छन्।</p>
<p>उनीहरूको शव हिजो, १२ फागुन साँझ काँकडभिट्टा नाका हुँदै इटहरी ल्याएर सामुहिक दाहसंस्कार गरिएको थियो।</p>
प्रतिक्रिया दिनुहोस्
.jpg)
