भारतमा भएको दुर्घटनामा मृत्यु भएका ६ नेपालीको दाहसंस्कार गरियो
<p>काठमाडौं। तीर्थयात्रामा गएका बेला भारतमा भएको दुर्घटनामा मृत्यु भएका ६ नेपालीको आज इटहरीमा दाहसंस्कार गरिएको छ।</p>
<p>उनीहरूको इटहरी गंगा जमुना घाटमा आज साँझ सामूहिक दाहसंस्कार गरिएको हो। </p>
<p>२३ माघमा ३५ दिनको यात्रामा निस्किएका नेपालीहरू ७ फागुन राति बैंङ्गलोरमा दुर्घटनामा परेका थिए।</p>
<p>दुर्घटनामा सुनसरीको इटहरी उपमहानगरपालिका–१० का <a href="https://www.dekhapadhi.com/news/7126" target="_blank"><span style="color:#c0392b">६ जनाको मृत्यु </span></a>भएको थियो। </p>
<p>दुर्घटनामा ६४ वर्षका गोपाल तामाङ, ५६ वर्षका टीकाराम चौधरी, ७० वर्षका रसिलाल चौधरी, ६९ वर्षीय वीरबहादुर राई, ६५ वर्षीया फूलसरी चौधरी र बधुनीदेवी चौधरीको मृत्यु भएको थियो। ५५ वर्षीय मञ्जु राई घाइते भएकी थिइन्। </p>
<p>मृतकको शव आजै नेपाल ल्याइएको थियो। बैंङ्गलोरबाट एम्बुलेन्समा चेन्नइ ल्याइएको शव त्यहाँबाट हेलिकप्टरमार्फत् वागडुग्रा ल्याइएको थियो। </p>
<p>इटहरी उपमहानगरपालिकाकी उपप्रमुख लक्ष्मी गौतमका अनुसार चेन्नेइबाट दुईपटकको उडानमार्फत् शवलाई वागडुग्रा ल्याइएको हो। </p>
<p>उपमेयर गौतका अनुसार आज दिउँसो काँकडभिट्टा ल्याइएका शव अपरान्हपख इटहरी ल्याइपुर्‍याइएको थियो। </p>
<p>इटहरी उपमहानगरको अनुरोधमा संघीय सरकारको पहल र खर्चमा शव नेपाल ल्याइएको हो। </p>
प्रतिक्रिया दिनुहोस्
.jpg)
