आँचलले गरिन् उदीपसँग टीकाटालो
<p>काठमाडौं। अभिनेत्री आँचल शर्माले उनका प्रेमी डा. उदीप श्रेष्ठसँग टीकाटालो गरेकी छन्। आज चुच्चेपाटीस्थित इम्पेरियल बैंक्‍वेटमा आँचल-उदीपको ‘इन्गेजमेन्ट’ भएको हो।</p>
<p>एक वर्षदेखि प्रेममा रहेका उनीहरू २९ फागुनमा वैवाहिक बन्धनमा बाँधिदैछन्। बूढानीलकण्ठमा रहेको होटल पार्क भ्यूमा हुने विवाहपछि उनीहरूले ३० फागुनमा होटल हायातमा ‘रिसेप्सन’ दिनेछन्।</p>
<p>चलचित्र ‘नाइँ नभन्‍नु ल-४’ बाट अभिनय यात्रा आरम्भ गरेकी मोडल तथा अभिनेत्री आँचलले केही महीनाअघि मात्र आफू प्रेममा परेको सार्वजनिक गरेकी थिइन्।</p>
<p>फेसबुकको माध्यमबाट यी दुई एकअर्कासँग नजिकिएका थिए। र, फेसबुकबाटै प्रेममा परेका थिए। </p>
<p>आँचलको नाम अभिनेता पल शाहसँग जोडिएर समेच चर्चा हुने गर्थ्यो। उनीहरूले एकसाथ तीन फिल्म र थुप्रै म्यूजिक भिडिओमा काम गरेपछि प्रेम सम्बन्धको चर्चा चलेको थियो। तर, उनीहरूले प्रेम सम्बन्ध कहिल्यै स्वीकार गरेका थिएनन्। यी दुईले आफूहरूबीच घनिष्ट साथीको सम्बन्ध रहेको बताउँदै आएका थिए।</p>
<p>आँचलले हालै चलचित्र ‘झिँगेदाउ’को छायांंकन सकेकी छन्। विवाहपछि उनले ‘दुई रूपैयाँ’ टीमको ‘डामाडोल’ चलचित्रमा काम गर्नेछिन्।</p>
<p>उदीपले विवाहपछि पनि आफ्नो चलचित्र यात्रालाई सहयोग गर्ने प्रतिबद्धता जनाएकाले विवाह गर्न तयार भएको आँचलले बताएकी थिइन्।</p>
प्रतिक्रिया दिनुहोस्
.jpg)
