रौतहट दुर्घटनामा घाइते प्रहरीलाई आईजीपीले भेटे
<p>काठमाडौंं। रौतहटमा हिजो, ११ फागुनमा भएको दुर्घटनाका घाइते प्रहरीलाई भेटेर प्रहरी महानिरीक्षक ठाकुरप्रसाद ज्ञवालीले स्वास्थ्य अवस्थाका बारेमा जानकारी लिएका छन्।</p>
<p>काठमाडौंस्थित नेपाल प्रहरी अस्पतालमा उपचार गराइरहेका प्रहरी कर्मचारीहरूलाई भेटेर आईजी ज्ञवालीले स्वास्थ्य अवस्थाका बारेमा जानकारी लिएका हुन्।</p>
<p>दुर्घटनामा घाइते प्रहरी सहायक निरीक्षकद्वय गोविन्द यादव र मनोज सिंहको नेपाल प्रहरी अस्पताल, महाराजगंजमा उपचार भइरहेको छ। </p>
<p>प्रहरी सहायक निरीक्षक हृदय यादव, प्रहरी सहायक निरीक्षक विश्वनाथ प्रसाद यादव र सवारी चालक प्रहरी जवान सरोज यादवको राैतहटको चन्द्रनिगाहपुरस्थित चन्द्रपुर अस्पतालमा उपचार गराइएको थियो।</p>
<p>उनीहरूको अवस्था सामान्य भएकाले उपचारपछि डिस्चार्ज भइसकेका छन्। </p>
<p>रौतहटको चपुरबाट बारातर्फ छुटेको गरेको ना १ झ १३३१ नम्बरको प्रहरी भ्यान र विपरीत दिशाबाट आइरहेको ना ६ ख ८६२५ नम्बरको ट्रक पूर्वपश्चिम राजमार्गमा ठोकिएर पाँच जना घाइते भएका थिए।</p>
प्रतिक्रिया दिनुहोस्
.jpg)
