खप्तड गोल्डकपः क्वार्टरफाइनल समीकरण पूरा
<p>कैलाली। नेपाल आइस सुदूरपश्चिम अन्तर्राष्ट्रिय आमन्त्रण सुदूरपश्चिम खप्तड गोल्डकपको क्‍वार्टरफाइनल समीकरण पूरा भएको छ।</p>
<p>गोल्डकपको चौथो दिन आज भएको खेलमा गोर्खा ब्वाइज रुपन्देहीले रूपन्देहीकै सुनौलो संगम युवा क्लबलाई टाइब्रेकरमा ५-३ ले हराउँदै अन्तिम आठमा पुगेको छ।</p>
<p>निर्धारित समयमा गोलरहित बराबरीमा सकिएपछि खेल टाइब्रेकरमा गएको थियो।</p>
<p>टाइब्रेकरमा गोर्खा ब्वाइजका हरि कठायत, अनिष तामाङ, रन्दिप पौडेल, निशान न्यौपाने र उत्तम गुरुङले गोल गरे।</p>
<p>टाइब्रेकरमा गोर्खा ब्वाइजका गोलरक्षक मनोज गुरुङ नायक बने। उनी खेलको म्यान अफ दी म्याच घाेषित भए।</p>
<p>सुदूरपश्चिम-११ स्पोर्टस् क्लबद्वारा आयोजित गाेल्डकप धनगढी रंगशालामा भइरहेकाे छ।</p>
प्रतिक्रिया दिनुहोस्
.jpg)
