फेवातालमा डुंगा पल्टिँदा एक युवक बेपत्ता, दुईजनाको सकुशल उद्धार
<p>पाेखरा। पोखराको फेवातालमा आज दिउँसो डुंगा पल्टिँदा काठमाडौं महानगरपालिका-१०, कपनका रामशरण लुइँटेल बेपत्ता भएका छन्। उनको खोजी कार्य जारी राखिएको छ।</p>
<p>काठमाडौंबाट घुम्न गएका तीनजना आज दिउँसो १ बजे डुंगा चढेका थिए। प्रहरीका अनुसार त्यसको केहीबेरपछि नै डुंगामा पानी भरिएपछि पल्टिएको हाे।</p>
<p>इलाका प्रहरी कार्यालय बैदामका प्रहरी नायव उपरीक्षक यादव ढकालले डुंगा पल्टिएलगत्तै त्यहाँ रहेका गोताखोरसहित सुरक्षाकर्मीको टोलीले उद्धार गर्न सफल भएको बताए।</p>
<p>उनका अनुसार काठमाडौं महानगरपालिका-१२, कपनकै अन्य दुईजना रूपेश अधिकारी र सुमिन चालिसेको उद्धार गरिएकाे हाे।</p>
<p>चालकबिना आफैं चलाएर लगेको डुंगा पल्टिएको डीएसपी ढकालले बताए।</p>
<p>“आफैंले चलाउने क्रममा पानी भरिएर पल्टिएको भन्ने बुझिएको छ”, उनले <em>देखापढी</em>सँग भने, “थप अनुसन्धान गर्दैछौं।”</p>
<p>बेपत्ता लुइँटेलले डुंगा चढ्दा लगाउनुपर्ने लाइफ ज्याकेट नलगाएको बुझिएको प्रहरीकाे भनाइ छ।</p>
प्रतिक्रिया दिनुहोस्
.jpg)
