‘बी’ डिभिजन लिगः बाँसबारीकाे विजयी शुरूआत
<p>काठमाडौं। वैकल्पिक खेलाडी सुलेमान थापामगरको गोलमा बाँसबारी क्लबले शहीद स्मारक ‘बी’ डिभिजन लिगमा विजयी शुरूआत गरेको छ। बाँसबारीले श्री भगवती क्लबलाई १-० हराएको हो।</p>
<p>सातदोबाटोस्थित एन्फा मुख्यालयको मैदानमा सम्पन्न दोस्रो खेलमा सुलेमानले मैदान छिरेको दुई मिनेट नबित्दै बाँसबारीलाई अग्रता दिएका थिए। सुलेमान ६१औं मिनेटमा अनिल गुरुङको स्थानमा मैदान छिरेका थिए।</p>
<p>जितसँगै बाँसबारीले तीन अंक पक्का गरेको छ।</p>
<p>तीन अंक जोडेको बाँसबारी दोस्रो स्थानमा छ। ब्वाइज युनियनसँग समान तीन अंक भए पनि गोलअन्तरमा बाँसबारी दोस्रो स्थानमा रहेको हो। आजै सम्पन्न पहिलो खेलमा ब्जाइज युनियनले श्रीकुमारी क्लबलाई २-० ले पराजित गरेको थियो।</p>
<p>‘बी’ डिभिजन लिगमा भाेलि, १२ फागुनमा टुसाल क्लबले पुल्चोक स्पोर्टस् क्लबसँग प्रतिस्पर्धा गर्नेछ भने खुमलटार युथ क्लबले मध्यपुर युथ एशाेसिएसनविरुद्ध खेल्नेछ।</p>
प्रतिक्रिया दिनुहोस्
.jpg)
