भारतमा बस दुर्घटनामा ज्यान गुमाएका नेपालीप्रति कांग्रेसद्वारा दुःख व्यक्त
<p>काठमाडाैं। नेपाली कांग्रेसले तीर्थयात्राका लागि भारत गएका ६ जना नेपालीकाे बस दुर्घटनामा मृत्यु भएकाेमा दुःख व्यक्त गरेको छ।</p>
<p>तीर्थयात्राका लागि भारत गएका कम्तीमा ६ जना नेपालीको ८ फागुनमा भारतको सलेम बेंगलरु नेशनल हाइवेमा मिनीबस दुर्घटना हुँदा मृत्यु भएको र केही गम्भीर घाइते भएका थिए।</p>
<p>उनीहरूको निधनप्रति दुःख व्यक्त गर्दै कांग्रेसले शोक सन्तप्त परिवारजनमा समवेदना प्रकट गरेको छ। साथै घाइतेहरूको शीघ्र स्वास्थ्यलाभको कामना गरिएको छ।</p>
<p>कांग्रेसका मुख्यसचिव कृष्णप्रसाद पौडेलद्वारा जारी विज्ञप्तिमा दुर्घटनामा जीवन गुमाएकाहरूको शव सहजरूपमा स्वदेश ल्याउने प्रबन्ध गर्न र घाइतेको उचित उपचारको व्यवस्था मिलाउन सरकारसँग माग गरिएकाे छ। <em>रासस</em></p>
<p><strong>पढ्नुहाेस्ः</strong></p>
<p><strong><a href="https://dekhapadhi.com/news/7126" target="_blank">नेपाली तीर्थयात्री चढेको बस भारतमा दुर्घटना हुँदा ६ जनाको मृत्यु</a></strong></p>
प्रतिक्रिया दिनुहोस्
.jpg)
