विवेककाे ह्याट्रिकमा नवजनजागृतिकाे शानदार जित
<p>कैलाली। विवेक चौधरीले ह्याट्रिकमा नवजनजागृति युवा क्लब सिमराले शानदार जित हासिल गरेको छ।</p>
<p>आज क्षेत्रीय रङ्गशालामा भएको खेलमा नवजनजागृतिले मदन भण्डारी स्पोर्टस् एकेडेमीलाई ४-० ले पराजित गरेकाे हाे। जितसँगै नवजनजागृति क्‍वार्टरफाइनलमा प्रवेश गरेको छ।</p>
<p>नवजनजागृतिको जितमा अग्रपंक्तिका खेलाडी विवेकले दोस्रो हाफको ५९, ७२ र ८२औं मिनेटमा गोल गरी ह्याट्रिक गरे। विवेक म्यान अफ दी म्याच घोषित भए।</p>
<p>यसअघि नवजनजागृतिले सागर चौधरीको गोलबाट अग्रता लिएको थियो। सागरले दोस्रो हाफको ५२औं मिनेटमा गोल गरेका थिए।</p>
<p>पहिलो हाफमा भने दुवै टीम गोलरहित बराबरी खेलेका थिए।</p>
प्रतिक्रिया दिनुहोस्
.jpg)
