जिम्बाब्वेविरुद्धको टेष्ट क्रिकेटमा बंगलादेशकाे पुनरागमन
<p>काठमाडौं। अबु जायद र नायीम हसनको समान चार विकेट तथा नाजमुल होसैन शान्तो र मोमिनुल हकको अर्धशतकमा बंगलादेशले जिम्बाब्वेविरुद्धको टेष्ट क्रिकेटमा पुनरागमन गरेको छ।</p>
<p>ढाकाको मिरपुरस्थित शेर बंगला नेशनल रंगशालामा दोस्रो दिन सकिँदा बंगलादेश अझै २५ रनले पछाडि छ। पहिलो इनिङ शुरू गरेको बंगलादेश २४०-३ को स्थितिमा छ। कप्तान क्रायग इर्भिनले शतक बनाएपछि पहिलो दिन सकिँदा जिम्बाब्वे २२८-६ को स्थितिमा थियो। भ्रमणकारी जिम्बाब्वेका रेगिस चकबभा ९ र डोनाल्ड ट्रिपानो शून्यको स्थितिमा थिए।</p>
<p>चकबभाले ३० रन जोडे भने ट्रिपानो आठ रनमा पवेलियन फर्किए। अन्यले दोहोरो अंकमा रन बनाउन सकेनन्।</p>
<p>बंगलादेशका जायदले ७१ रन दिएर चार विकेट लिए भने हसनले ७० रन दिएर चार विकेट लिए। तैजुल इस्लामले दुई विकेट लिए।</p>
<p>त्यसपछि पहिलो इनिङ थालेको बंगलादेशले शुरूमै ओपनर आठ रन बनाएका सैफ हसनलाई गुमायो। तर, अर्का ओपनर तमिम इकबाल र सान्तोले घरेलु टोलीको इनिङ सम्हाले। इकबालले ४१ रन बनाउँदा सान्तो सात चौकासहित ७१ रन बनाएर पवेलियन फर्किए।</p>
<p>दोस्रो दिन सकिँदा मोमिनुल हक ७९ तथा माशफिकर रहिम ३२ रनमा अविजित छन्।</p>
प्रतिक्रिया दिनुहोस्
.jpg)
