‘सिप्यान क्रिकेट अवार्ड’ २१ चैतमा
<p>काठमाडाैं। क्रिकेट खेलाडी संघ नेपाल (सिप्यान) ले प्रदान गर्ने ‘सिप्यान क्रिकेट अवार्ड’ चैत तेस्रो साता आयोजना हुने भएको छ।</p>
<p>२१ चैतमा हुने अवार्ड कार्यक्रममा पाँच विधामा खेलाडीलाई सम्मानित गरिनेछ। पाँच विधामा वर्ष क्रिकेट खेलाडी पुरुष र महिला, वर्ष उदीयमान खेलाडी, वर्षको उत्कृष्ट क्षण र लाइफटाइम अचिभमेन्ट अवार्ड छ।</p>
<p>वर्ष क्रिकेट खेलाडी पुरुष र महिलाले एक लाख ३२ हजार रूपैयाँ पाउनेछन्। अन्य चार विधाका विजेताले भने समान ६६ हजार रूपैयाँ नगद पुरस्कार पाउनेछन्।</p>
<p>खेलाडी छनोटका प्राविधिक समिति गठन गर्ने सिप्यानले जनाएको छ। उक्त प्रविधिक समितिले सिफारिस गरेको खेलाडीलाई अवार्ड प्रदान गर्ने सिप्यानले जनाएको छ।</p>
<p>लाइफटाइम अचिभ्मेन्ट अवार्ड नेपाली क्रिकेटको पुरानो पुस्तालाई प्रतिनिधित्व गर्ने खेलाडीलाई प्रदान गरिनेछ। वर्षको उत्कृष्ट क्षण भने अनलाइन भोटिङबाट प्राप्त मतको आधरमा तय हुने सिप्यानले जनाएको छ।</p>
प्रतिक्रिया दिनुहोस्
.jpg)
