आज सेना दिवस, टुँडिखेलमा सैन्य कला प्रदर्शन हुने
<p>फागुन। देशको प्रमुख सुरक्षा अंगका रूपमा रहेको नेपाली सेनाले आज सेना दिवस मनाउँदैछ।</p>
<p>सेना दिवस एवं शिवरात्रिको अवसरमा सैनिक मञ्‍च टुँडिखेलमा आयोजना हुने विशेष समारोहमा सेनाका परमाधिपति राष्ट्रपति विद्यादेवी भण्डारी प्रमुख अतिथिका रूपमा सहभागी हुने कार्यक्रम छ।</p>
<p>सैनिक मञ्चमा परेड तथा तोप, बढाइँ, कवाज, आतिसबाजीलगायत विविध सैन्य कला प्रदर्शन गरिने नेपाली सेनाले जनाएको छ।</p>
<p>वर्तमान सेनाको सांगठनिक स्वरूपको १८१९ सालदेखि सुरुआत भएको हो।</p>
<p>संयुक्त राष्‍ट्रसंघको आह्वानमा विश्वका विभिन्न द्वन्द्वग्रस्त मुलुकहरूमा शान्ति स्थापनार्थ नेपाली सेनाको योगदानको राष्ट्रिय र अन्तर्राष्‍ट्रिय क्षेत्रबाट प्रशंसा हुँदै आएको छ।</p>
<p>संयुक्त राष्‍ट्रसंघीय शान्ति स्थापनामा नेपाली सेनाको सहभागिता सन् १९५८ देखि आरम्भ भएको थियो।</p>
<p>हालसम्म एक लाख २९ हजार ८९० सैनिकबाट योगदान भइसकेको छ। <em>रासस</em></p>
प्रतिक्रिया दिनुहोस्
.jpg)
