काठमाडौंमै प्रतिक्रिया दिने भन्दै धनगढीबाट उडे सञ्चारमन्त्री बाँस्कोटा
<p>काठमाडौं। कन्चनपुरमा शुरु भएको एक महोत्सवको उद्घाटन र नेकपाको नगरस्तरीय कार्यक्रमहरुमा सहभागी हुन ७ फागुनमा कन्चनपुर आएका सञ्चार तथा सूचना प्रविधिमन्त्री गोकुलप्रसाद बाँस्कोटा काठमाडौं नफर्कंदै उनले कमिसन मागेको अडियो सार्वजनिक भयो। </p>
<p>सेक्युरिटी प्रिन्टिङ प्रेस खरीदसम्बन्धमा एक स्वीस कम्पनीको नेपाली एजेन्ट विजयप्रकाश मिश्रसँग कमिसन मोलमोलाइ गरेको अडियो सार्वजनिक भएपछि सञ्चारमन्त्री बाँस्कोटा विवादमा परेका छन्। </p>
<p>सञ्चारमन्त्री बाँस्कोटा बिहानै कन्चनपुरबाट धनगढी विमानस्थल आउँदै गरेका थिए । त्यसक्रममा विमानस्थल आसपास सुरक्षा व्यवस्था अत्यन्त कडा पारिएको थियो । अत्तेरियाबाट पनि थप सुरक्षाकर्मी मगाइएको थियो र सशस्त्र प्रहरी पनि खटाइएको थियो । </p>
<p>यसरी धनगढी विमानस्थल आइपुगेका सञ्चारमन्त्री बाँस्कोटासँग उनको अडियोबारे पत्रकारले प्रतिक्रिया मागेका थिए । तर, बाँस्कोटाले कुनै प्रतिक्रिया दिन मानेनन् । उनले काठमाडौं पुगेर पत्रकार सम्मेलन गरी आफ्नो धारणा सार्वजनिक गर्ने बताए ।</p>
<p>मन्त्री बाँस्कोटा श्री एअरको विमानबाट काठमाडौंका लागि उडेका छन् । आज सञ्चार तथा सूचना प्रविधि मन्त्रालयमा नियमित साप्ताहिक पत्रकार सम्मेलन हुँदै छ । मन्त्री बाँस्कोटाले हरेक साताको विहीबार पत्रकार सम्मेलन आयोजना गरी मन्त्रिपरिषद्का निर्णय सार्वजनिक गर्दै आएका छन् । </p>
प्रतिक्रिया दिनुहोस्
.jpg)
