.jpg)
सेनाले स्थापना दिवसको कार्यक्रम प्रत्यक्ष प्रशारण गर्ने
<p>काठमाडौं। नेपाली सेनाले महाशिवरात्रि तथा सेना दिवस २०७६ को अवसरमा आयोजना गर्ने विभिन्न कार्यक्रमको प्रत्यक्ष प्रसारण गर्ने भएको छ।</p>
<p>सर्वसाधारणले सेनाको विशेष कार्यक्रम सहज रूपले हेर्न सकुन् भनेर प्रत्यक्ष प्रसारण गर्न लागिएको हो।</p>
<p>जनसम्पर्क तथा सूचना निर्देशनालय जङ्गी अड्डाले विज्ञप्ति जारी गर्दै सेना दिवसको कार्यक्रम नेपाल टेलिभिजन र सरोकार टेलिभिजनमार्फत प्रत्यक्ष प्रसारण हुन लागेको जानकारी दिएको हो।</p>
<p>नेपाली सेनाका अनुसार काठमाडौंको त्रिपुरेश्वरस्थित वर्ल्ड ट्रेड सेन्टर र काठमाडौं मलमा भएको डिजिटल स्क्रिन बोर्डमार्फत् पनि प्रत्यक्ष प्रशारणको व्यवस्था गरिएको छ।</p>
<p>सैनिक मञ्च टुँडिखेलमा राष्ट्रपति विद्यादेवी भण्डारीको प्रमुख आतिथ्यतामा सेनाले महाशिवरात्रि तथा सेना दिवस मनाउँदैछ।</p>
<p>सेनाले टुँडिखेलमा विशेष तयारीसमेत गरिसकेको छ।</p>
<p>स्थापना दिवसमा सेनाले विभिन्न कार्यक्रममा उत्कृष्ट हुनेलाई ट्रफी प्रदान गर्ने, ब्यानर र निशान प्रदानसहित महाशिवरात्रि बढाई, सैनिक कला प्रदर्शन, पुरस्कार वितरणको कार्यक्रम गर्ने जनाएको छ।</p>
प्रतिक्रिया दिनुहोस्
.jpg)
