सल्यान दुर्घटनामा घाइते मेजरको मृत्यु
<p>काठमाडौं। २८ माघमा सल्यानको कपुरकोट गाउँपालिका-३ चोरखोलामा भएको दुर्घटनामा परेर घाइते भएका नेपाली सेनाका मेजर ईश्वर सिलवालको उपचारका क्रममा मृत्यु भएको छ।</p>
<p>ललितपुर इमाडोल बस्ने ३३ वर्षीय सिलवालको उपचारका क्रममा नेपाली सेनाको छाउनीस्थित अस्पतालमा मृत्यु भएको नेपाली सेनाले जनाएको छ।</p>
<p>सल्यानबाट दाङको तुलसीपुर आउँदै गरेको सेनाको ट्रक २८ माघमा दुर्घटना भएको थियो।</p>
<p>दुर्घटनामा सेनाका जमदार यादव धरेलको भने घटनास्थलमै मृत्यु भएको थियो।</p>
<p>घाइतेमध्ये सेनानी जयप्रकाश बोहरा, मोहन थापा र सिपाहीहरू विशाल गुरुङ, रेशम मगर, विपिन श्रेष्ठको छाउनीमा उपचार भइरहेको छ।</p>
प्रतिक्रिया दिनुहोस्
.jpg)
