आईजीपीको सचिवालयमा एसपी भूपेन्द्र खत्री, कर्मचारी प्रशासनका एसपी पनि फेरिए
<p>काठमाडौं। प्रहरी महानिरीक्षक ठाकुरप्रसाद ज्ञवालीले प्रहरी उपरीक्षक (एसपी) भूपेन्द्र खत्रीलाई आफ्नो सचिवालयमा ल्याएका छन्।</p>
<p>राष्ट्रिय प्रहरी प्रशिक्षण प्रतिष्ठानमा कार्यरत एसपी खत्रीलाई महानिरीक्षक सचिवालयको पिए शाखामा ल्याइएको हो। </p>
<p>खत्री यसअघि रौतहटका प्रहरी प्रमुख थिए।</p>
<p>१२ वर्षअघि २२ जनाको ज्यान गएको रौतहट हत्याकाण्डका मुख्य अभियुक्त, पूर्वमन्त्री मोहम्मद अफताव आलमको मुद्धा बिउँताएर उनलाई पुर्पक्षका लागि कारागार पठाउन खत्रीको प्रमुख भूमिका थियो।</p>
<p>त्यसैगरी, आइजीपी ज्ञवालीले नेपाल प्रहरीको कर्मचारी प्रशासन हेर्ने प्रहरी उपरीक्षक (एसपी) पनि फेरेका छन्।</p>
<p>जिल्ला प्रहरी कार्यालय स्याङजाको प्रमुख रहेका एसपी जनार्दन जिसीलाई कर्मचारी प्रशासनमा ल्याइएको छ।</p>
प्रतिक्रिया दिनुहोस्
.jpg)
