घरकाे छतमा बम राख्ने सेनाका पूर्वहवल्दार पक्राउ
<p style="text-align:justify">काठमाडाैं। ललितपुरको गोदावरी नगरपालिका-५, लेलेस्थित एक घरकाे छतमा ग्रिनेट बम राख्‍ने नेपाली सेनाका पूर्वहवल्दारलाई प्रहरीले पक्राउ गरेको छ।</p>
<p style="text-align:justify">महानगरीय प्रहरी वृत्त चापागाउँको टोलीले गयराति ४१ वर्षीय राजन सार्कीलाई पक्राउ गरेको हो।</p>
<p style="text-align:justify">सार्कीलाई लेलेबाटै पक्राउ गरिएको चापागाउँ वृत्तका डीएसपी कृष्णराज ओझाले जानकारी दिए।</p>
<p style="text-align:justify">“आज विष्फोटक पदार्थसम्बन्धी कसूरमा म्याद थप गरेका छौं”, उनले भने, “ग्रिनेट कहाँबाट ल्याएको हो भन्ने विषयमा आवश्यक अनुसन्धान भइरहेको छ।”</p>
<p style="text-align:justify">प्रहरीसँगको बयानमा बाटोमा भेट्टाएको बताए पनि प्रहरीले भने गहनरूपले अनुसन्धान गरिरहेको छ। प्लाष्टिक हेण्ड ग्रिनेट शक्तिशाली भएको प्रहरीले जनाएको छ।</p>
<p style="text-align:justify">ललितपुरको गोदावरी नगरपालिका-५, लेलेकै स्थानीय सुकराम सार्कीको घरमा ग्रिनेट राखिएकाे थियाे।</p>
<p style="text-align:justify">घरमा ग्रिनेट फेला परेपछि तत्कालै प्रहरीको टोली पुगेको थियो। छतमा रहेको ग्रिनेट बम नेपाली सेनाको बम डिस्पोजल टोलीले निष्क्रिय पारेको थियो।</p>
.jpg)
