मोटरसाइकल दुर्घटनामा तीन जनाको मृत्यु
<p>बारा। बारामा मोटरसाइकल दुर्घटनामा तीन जनाको मृत्यु भएको छ। </p>
<p>लङ्गडाचोकबाट कुडवातर्फ जाँदै गरेको लु.२१प ६९६३ नंको मोटरसाइकल दुर्घटनामा परेर पतरौता नगरपालिका–९ कलावंजरका ३५ वर्षीय मञ्जय ठाकुरको मृत्यु भएको जिल्ला प्रहरी कार्यालयका प्रवक्ता गौतम मिश्रले जानकारी दिए। </p>
<p>त्यस्तै लङ्गडाचोकबाट बाजोपटीतर्फ जाँदै गरेको ना.२३प २७४६ नंको मोटरसाइकल डोरा खोलामा दुर्घटना हुँदा पतरौता नगरपालिका–८ बस्ने २२ वर्षीय विजय यादव र ५५ वर्षीय रामेश्वर यादवको समेत मृत्यु भएको मिश्रले बताए। मिश्रका अनुसार दुबै दुर्घटना हिजो (५ फागुनमा) भएको हो।</p>
<p>मृतक तीनै जनाको शव जिल्ला अस्पताल कलैयामा राखिएको छ। शव परीक्षणपछि आफन्तलाई बुझाइने पनि मिश्रले जानकारी दिए।<br />
</p>
प्रतिक्रिया दिनुहोस्
.jpg)
