आईजीपी ज्ञवालीले भने- ‘खोजतलास भइरहेको छ, बमजन चाँडै पक्राउ पर्छन्’
<p>काठमाडौं। प्रहरी महानिरीक्षक (आईजीपी) ठाकुरप्रसाद ज्ञवालीले बाल यौन शोषणको आरोप लागेका आफूलाई ‘तपस्वी’ बताउने रामबहादुर बमजन चाँडै पक्राउ पर्ने बताएका छन्।</p>
<p>बमजनविरुद्ध जिल्ला प्रहरी कार्यालय सर्लाहीमा बाल यौन शोषणको जाहेरी दर्ता भएपछि २३ माघमा सर्लाही जिल्ला अदालतले उनलाई पक्राउ गर्न प्रहरीलाई अनुमति दिएको थियो।</p>
<p>पक्राउ अनुमति पाएपछि प्रहरीले सिन्धुलीको कमलाई नगरपालिका–८, बेसारेस्थित उनको आश्रममा भोलिपल्ट (२४ माघ) बिहानै छापा मारेको थियो। तर, बमजन त्यहाँ भेटिएनन्।</p>
<p>आईजीपी ज्ञवालीले बमजनलाई प्रहरीले खोजतलास गरिरहेको <em>देखापढी</em>लाई बताए।</p>
<p>“बमजनविरुद्ध जाहेरी दर्ता भएको छ, अदालतबाट पक्राउ गर्ने अनुमति पनि लिइसकिएको छ”, उनले भने, “योजनाबद्ध रूपमा छापा मार्दा पनि उनी कसरी पक्राउ परेनन् भनेर बुझ्ने काम भइरहेको छ। त्यसबेला म प्रदेश १ मा थिएँ। अब यसमा निरन्तर फलोअप हुन्छ। यही केसका लागि टोली खटाइसकिएको छ।”</p>
<p>आईजीपी ज्ञवाली प्रहरी उपरीक्षक (एसपी) हुँदा जिल्ला प्रहरी कार्यालय बाराको प्रमुख भएर बसेका थिए।</p>
<p>बमजनका गतिविधि बाराबाटै शुरू भएकाले यसलाई नजिकबाट नियालिरहेकोसमेत उनले बताए।</p>
<p style="text-align:justify"><strong>पढ्नुहोस्:</strong></p>
<p style="text-align:justify"><a href="https://dekhapadhi.com/news/6436" target="_blank">प्रहरी नेतृत्वको उट्पट्याङले उम्किए बमजन, पीडितमाथि झन् बढ्यो खतरा</a></p>
<p style="text-align:justify"><a href="https://dekhapadhi.com/news/6422" target="_blank">रामबहादुर बमजन भेटिएनन्, आश्रममा छापा मारेको प्रहरी रित्तो हात</a></p>
<p style="text-align:justify"><a href="https://dekhapadhi.com/news/6417" target="_blank">बाल यौन शोषणको कसुरमा बमजनलाई पक्राउ गर्न अदालतको अनुमति</a></p>
<p> </p>
प्रतिक्रिया दिनुहोस्
.jpg)
